ᓱᒐᓱᐊᕐᓂᖅ ᑌᒫᑦᓭᓇᑐᐃᓐᓇᐅᖏᑦᑐᖅ

ᐸᕐᓇᓯᒪᐅᑎ ᐃᓱᐊᕐᓂᐹᖅ ᐊᑐᕐᓗᒍ ᐱᕕᑦᓴᐅᒍᓐᓇᑐᓪᓗ ᐃᓕᖓᔪᑦ ᐱᕐᖁᓯᑎᒍᑦ ᐊᖏᕐᑕᐅᓯᒪᒍᓐᓇᑐᓂᒃ ᐊᑐᕐᓗᒋᑦ ᐊᒻᒪᓗ ᐱᑕᙯᓐᓇᕈᓐᓇᓂᐊᕐᓗᑎᒃ  ᐊᕙᑎᖓᓂ ᐃᓅᕕᓕᓐᓄᑦ ᓄᓇᕕᐅᑉ

ᑕᒪᓐᓇ ᖃᐅᔨᓴᕐᓂᖅ ᐱᖁᔨᒍᑎᓕᐅᕈᓐᓇᓯᒍᑎᐅᓯᒪᔪᖅ ᐃᒫᒃ ‘’ ᐊᓯᐊᒍᖔᖅ ᓱᒐᓱᐊᕈᑎᖃᕐᓂᒥᒃ’’ ᐃᓚᐅᓕᕐᐸᓕᐊᑎᓪᓗᒋᑦ ᐃᓄᑐᐃᓐᓀᑦ ᐊᒻᒪᓗ ᐊᑑᑎᓯᒪᔭᖏᑦ ᐊᒥᓱᐃᑎᒍᑦ ᓯᓚᑦᑐᕈᑎᒋᒍᓐᓇᓯᓯᒪᑦᓱᒋᑦ ᐱᓇᓱᐊᖃᑎᒌᓐᓂᑯᑦ. ᐱᓇᓱᑦᑕᐅᔪᖅ ᐊᒥᓱᐃᓕᖓᔪᓂᒃ ᐱᑦᔪᑎᓕᒃ ᒪᑯᓂᖓ, ᓴᓇᓂᒻᒪᕇᑦ/ᓄᓇᓕᒻᒥᐅᖑᖃᑕᐅᓂᖅ (ᓱᖏᐅᑎᒋᐊᖃᕐᓂᖅ ᐊᕙᑎᒥᓂᒃ) ᐃᓚᖃᕐᒥᓱᑎᒃ ᐃᓅᖃᑎᒌᓅᓕᖓᔪᓂᒃᑦ(ᐱᕐᖁᓯᕐᑎᒍᑦ ᖃᐅᔨᒪᔭᖃᕐᓂᑯᓪᓗ ᓄᓇᒥᓂᒃ).  ᑕᑯᓐᓇᑕᖃᕐᒥᓱᓂᓗ ᐱᐅᔫᓂᕆᒋᐊᓕᖏᓐᓂᒃ ᐃᓄᒻᒧᓗ ᐊᑐᕋᑦᓴᐅᒪᖔᑕ ᐃᒃᓗᔪᐊᑉ ᐃᓂᒋᔭᐅᒍᓐᓇᑐᓪᓗ ᓈᒻᒪᕆᐊᖃᕐᓂᖏᑦ, ᓱᕐᕃᓯᒪᐅᑎᐅᒍᓐᓇᒥᒻᒪᑕ ᐊᖏᕐᕋᓖᑦ ᐊᑦᑕᓇᕐᑐᒦᑦᑌᓕᒋᐊᖃᕐᓂᖏᓐᓂᒃ ᖃᓄᐃᖕᖏᓯᐊᕆᐊᖃᕐᓂᖏᓐᓂᓗ. ᐊᓯᐊᒍᖔᖅ ᐱᓇᓱᑦᑐᑦ ᐃᓚᐅᖁᔨᔪᑦ ᑲᖏᕐᓱᐊᓗᒃᔪᐊᒥᐅᓂᒃ ᐊᒻᒪᓗ ᐊᑦᔨᒌᖕᖏᑐᓂᒃ ᖃᐅᔨᒪᔭᐅᒋᐊᓕᓐᓂᒃ ᐱᓪᓗᒋᑦ ᐃᑉᐱᒋᑦᓯᐊᕆᐊᓖᑦ ᐱᔭᕐᓃᑑᑦᓱᑎᒃ ᐱᕐᖁᓯᕐᑎᒍᑦ ᓈᒻᒪᓈᕈᑎᐅᒋᐊᖃᕐᓱᑎᒃ, ᐊᑦᑕᓇᖕᖏᑑᓗᑎᒃ, ᐊᒻᒪᓗ ᓴᐱᓕᔪᐃᑦᑑᒋᐊᖃᕐᓂᖅ ᐱᔭᕐᓂᖏᑦᑐᒥᒃ ᐃᓂᖃᕐᓂᒥᓄᑦ. ᑕᒪᓐᓇ ᓄᐃᑦᓯᒍᓐᓇᓯᒍᑕᐅᓚᕿᑎᓪᓗᒍ, ᓇᓗᓀᒃᑯᑕᕐᑕᓕᒻᒥᒃ ᓄᓇᖕᖑᐊᒥᒃ ᓄᐃᑕᑎᑦᓯᔪᒥᒃ ᐊᑑᑎᒍᓐᓇᓯᐊᕐᓂᐹᓂᒃ ᐱᕕᑦᓴᐅᒍᓐᓇᑐᓂᓪᓗ, ᐱᒍᓐᓇᓯᒍᑕᐅᓚᖓᔪᑦ ᐊᒃᓚᓯᒪᓕᕐᓗᑎᒃ ᓱᓇᐅᓂᐅᖏᑦ/ ᓴᓇᒪᓂᕆᒋᐊᓕᖏᑦ, ᓱᒐᓱᐊᕈᑕᐅᓂᖏᑦ ᐊᒻᒪᓗ ᒪᓕᒉᑦ ᑕᒃᒐᓂ ᐱᓇᓱᕝᕕᒥ ᓄᐃᑕᑎᑦᓯᓗᑎᒃ ᐊᑦᔨᒌᖕᖏᑐᓂᒃ ᐊᑑᑎᔭᐅᒍᓐᓇᑐᓂᒃ ᐃᓕᖓᔪᓂᒃ ᐱᑕᙯᓐᓇᕈᓐᓇᓱᑎᒃ ᓈᒻᒪᓈᕐᓱᑎᓪᓗ ᓄᓇᑐᖃᖓᓄᑦ ᐱᕐᖁᓯᕆᑦᓱᒍ ᐃᓂᖓ ᐊᕙᑎᐅᓪᓗ ᖃᓄᐃᑦᑑᓂᖏᑦᑕ ᐊᑦᔨᒌᖕᖏᓂᖏᑎᒍᑦ ᐃᓅᕕᐅᒋᐊᖃᕐᓂᖏᑦ.  

 

Photo by Dominic Beaudoin, Kagiqsualujjuaq (11/2019)

ᐊᐱᕆᐅᑎᐅᒐᔪᓐᓂᐹᒃ

ᓄᓇᕕᒻᒥ ᐃᓄᑐᐃᓐᓀᑦ ᓄᓇᓕᖏᑦ ᐅᐃᒪᓇᕐᑐᒥᒃ ᑭᖕᖒᒪᑦᓯᓕᕐᑐᑦ ᐊᖏᕐᕋᓴᐅᓗᑎᒃ ᐃᒃᓗᔪᐊᓂᒃ ᐱᕙᓪᓕᐊᒍᑎᖃᕆᐊᖃᕐᓂᒥᒃ ᓯᓚᐅᓪᓗ ᐊᓯᑦᔨᓂᖓ ᐱᑦᔪᑕᐅᑎᓪᓗᒍ ᐊᑦᓱᕈᕐᓇᓯᓯᒪᓕᕐᑐᓂᒃ ᐊᒻᒪᓗ,  ᑕᒃᒐᓂ ᐱᑦᔪᑎᒥ, ᐃᒃᓗᔪᐊᑦ ᓄᓇᓖᓪᓗ ᐃᓅᕕᒋᔭᖏᑦ ᐱᑕᙯᓐᓇᕈᓐᓇᕈᓐᓀᑐᐃᓐᓇᕆᐊᖃᕐᓱᑎᒃ.  ᐸᕐᓇᑕᐅᓯᒪᔪᑦ ᒪᓕᑦᓱᒋᑦ ᓴᓇᒻᒪᖏᓐᓂᒃ ᐱᓯᒪᔪᓂᒃ ᖃᓪᓗᓈᑦ ᓄᓇᖓᓐᓂᑦ ᓈᒻᒪᓈᖕᖏᑐᓂᒃ ᑕᕐᕋᒥ ᐃᒃᓗᒋᓗᒋᑦ, ᐱᕙᓪᓕᐊᔭᐅᓕᕋᒥᒃ ᐅᐃᒫᕆᔭᐅᑦᓱᑎᒃ ᓴᓇᔭᐅᓲᑦ, ᐊᒻᒪᓗ ᐱᕕᑦᓴᖃᑦᓯᐊᕋᓂ ᓄᓇᓕᒻᒦᒌᕐᑐᒥᒃ ᓅᓐᓂᐊᕈᓐᓀᓗᓂ ᐋᕐᕿᒍᑎᑦᓴᒥᒃ ᐊᑐᕈᓐᓇᓯᐊᕐᓗᓂ ᑭᖕᖒᒪᒋᔭᐅᔪᓄᑦ, ᐱᑦᓴᑖᕐᕕᖃᕐᓗᓂ ᓯᓚᖓᓄᑦ ᓈᒻᒪᑐᓂᒃ ᓄᓇᕕᐅᑉ. ᖃᐅᔨᒪᔭᐅᓪᓚᕆᓕᕐᑐᖅ ᑌᒣᑎᓪᓗᒍ ᐊᕙᑎ ᐊᒻᒪᓗ ᐃᓚᐅᑎᓐᓇᒋᑦ ᐃᓄᑐᐃᓐᓀᑦ, ᑭᖕᖒᒪᒋᔭᖏᓐᓂᒃ ᓈᒻᒪᓯᑎᑦᓯᒍᑎᐅᖕᖏᒪᑦ.

 

ᒪᕐᕉᒃ ᐊᐱᕆᐅᑎᐅᒐᔪᓐᓂᐹᒃ ᐊᐅᓚᑦᔭᕆᐊᕈᑕᐅᓯᒪᔫᒃ: 1. ᓱᓇᐅᕚᒃ ᖃᐅᔨᒪᔭᐅᑦᓯᐊᓱᑎᒃ ᐱᔭᕐᓂᖏᓐᓂᐸᐅᓚᖓᔫᕐᓗ ᐊᒻᒪᓗ ᐱᕕᑦᓴᓯᐊᖑᓂᕐᐸᐅᓚᖓᔪᑦ ᓄᐃᑦᓯᒍᑎᒋᕙᓪᓕᐊᓗᒋᑦ ᐱᑕᙯᓐᓇᕈᓐᓇᓱᑎᒃ ᓈᒻᒪᓈᕐᓱᑎᓪᓗ ᓄᓇᑐᖃᖓᓄᑦ ᐱᕐᖁᓯᕆᑦᓱᒍ ᐃᓂᖓ ᐊᕙᑎᐅᓪᓗ ᖃᓄᐃᑦᑑᓂᖏᑦᑕ ᐊᑦᔨᒌᖕᖏᓂᖏᑎᒍᑦ ᐃᓅᕕᐅᒋᐊᖃᕐᓂᖏᑦ? . 2. ᓇᓪᓕᖏᓪᓕᑭᐊᖅ ᐊᐅᓚᑦᔭᕆᐊᕈᑎᒋᓗᒋᑦ ᐊᑐᕐᓂᖃᑦᓯᐊᓂᕐᐸᐅᒐᔭᕐᖃᑦ ᐱᕙᓪᓕᐊᒍᓐᓇᓯᒍᑕᐅᒐᔭᕐᓗᑎᒃ, ᖃᓄᐃᓕᖓᑎᓪᓗᒋᓪᓗ ᐊᑐᕈᓐᓇᓯᐊᕐᓗᑎᒃ ᐱᓇᓱᒍᑎᑦᓴᓯᐊᖑᓗᑎᓪᓗ ᐃᓕᖓᓗᑎᒃ ᐃᓚᐅᑎᑦᓯᓂᕐᒧᑦ ᓄᓇᓕᒻᒥᐅᓂᒃ ᐊᒻᒪᓗ ᑐᑭᑖᕈᑎᐅᒍᓐᓇᓗᑎᒃ?

 

ᒪ3ᕉᒃ ᐊᐅᓚᑦᔭᕆᐊᕈᑎᐅᒍᒪᔫᒃ: 1. ᐱᓇᓱᖃᑎᒌᒍᑎᐅᒐᔭᕐᑐᓂᒃ ᐸᕐᓇᐸᓪᓕᐊᓯᓂᖅ ᐃᓕᖓᔪᓂᒃ ᐃᓅᖃᑎᒌᓄᑦ, ᐱᓇᓱᑦᑕᐅᔪᒥᒃ ᐃᓚᐅᕕᓖᑦ ᖃᐅᔨᓴᕐᑏᓗ ᐱᓇᓱᖃᑎᒌᓪᓗᑎᒃ, ᑲᑐᑎᓗᒍ ᓄᐃᑦᓯᕙᓪᓕᐊᓗᑎᒃ ᖃᐅᔨᒪᐅᓯᕐᓂᒃ ᐊᒻᒪᓗ ᐸᕐᓇᓗᒍ ᑲᔪᓯᒍᑎᑦᓴᖏᑦ ᖃᐅᔨᒪᔭᐅᖏᓐᓇᕆᐊᖃᕐᓂᖏᑦᑕ ᐊᑐᕐᑕᐅᒍᓯᖏᑦ ᐊᒃᓚᓯᒪᓗᑎᒃ. 2. ᓄᐃᑕᐅᕙᓪᓕᐊᒋᐊᖃᕐᓂᖏᑦ ᖃᓄᐃᓕᖓᒍᓐᓇᓂᖏᑦᑕ ᐃᓚᒋᔭᐅᒐᔭᕐᑎᓗᒍ ᓇᓗᓀᒃᑯᑕᕐᑕᓕᒻᒧᑦ ᓄᓇᖕᖑᐊᒧᑦ, ᒪᑯᑎᒎᓇ (ᐊᒃᓚᖁᑎᖃᕐᓂᑯᑦ) ᐊᒃᓚᑕᐅᓯᒪᑦᓱᑎᒃ ᓄᐃᑕᑎᑦᓯᔪᓂᒃ ᑐᑭᓯᓇᕐᑎᓯᑦᓱᑎᓪᓗ ᐊᑦᔨᒌᖕᖏᑐᓂᒃ ᐱᕕᑦᓴᐅᒍᓐᓇᑐᓂᒃ, ᐃᓂᓪᓚᓯᒪᐅᑎᐅᒍᓐᓇᑐᓂᒃ ᒪᓕᑦᑕᐅᓗᑯᒋᐊᓕᓐᓂᓘᓐᓃᑦ ᐊᑦᔨᒌᖕᖏᑐᓂᒃ ᐸᕐᓇᕈᑎᐅᒍᓐᓇᓗᑎᒃ ᐱᕙᓪᓕᐊᒍᑎᐅᒍᓐᓇᓂᐊᕐᓗᑎᓪᓘᓃᑦ ᐱᑕᙯᓐᓇᕈᓐᓇᓱᑎᒃ ᓈᒻᒪᓈᕐᓱᑎᓪᓗ ᓄᓇᑐᖃᖓᓄᑦ ᐱᕐᖁᓯᕆᑦᓱᒍ ᐃᓂᖓ ᐊᕙᑎᐅᓪᓗ ᖃᓄᐃᑦᑑᓂᖏᑦᑕ ᐊᑦᔨᒌᖕᖏᓂᖏᑎᒍᑦ ᐃᓅᕕᐅᒋᐊᖃᕐᓂᖏᓐᓂᒃ.  

 

ᓄᐃᑦᓯᒍᑕᐅᔪᑦ ᐊᑐᕐᑕᐅᒍᓐᓇᓯᔪᑦᓴᒫᓕᐊᑦ ᖃᐅᔨᒪᑎᑦᓯᓂᕐᒧᑦ ᓂᕆᐅᒍᑕᐅᑦᓱᑎᓪᓗ ᐊᑑᑎᒍᓐᓇᓯᒍᑕᐅᒐᔭᕐᑎᓗᒋᑦ ᑐᑭᑖᕐᓂᒧᑦ ᑕᒪᒃᑯᓂᖓ ᐱᑕᙯᓐᓇᕈᓐᓇᑐᓂᒃ ᐸᕐᓇᕈᑎᒋᒍᓐᓇᓗᒋᑦ ᐱᕙᓪᓕᐊᑎᑦᓯᒍᑎᒋᒍᓐᓇᓗᒋᓪᓗ.

Photo by Annabelle Tougas, Kagiqsualujjuaq (11/2019)

ᑕᐱᕇᑦ

ᐃᓱᒪᒋᓯᒪᑦᓯᐊᓱᑎᒃ ᐃᓅᖃᑎᒌᒍᓯᖅ ᐱᕐᖁᓯᕐᓗ ᐱᐅᓯᐅᔪᑦ ᒫᓐᓇ ᐊᑦᓱᕈᕐᓇᑑᑦᓱᑎᒃ ᑲᒪᒋᔭᐅᒍᓐᓇᓯᓂᐊᕐᒪᑕ ᖃᐅᔨᒪᐅᓯᓕᓐᓄᑦ ᑐᓂᒪᓂᖃᕐᓱᑎᓪᓗ ᐱᓇᓱᖃᑎᒌᑦᑐᓄᑦ ᑖᒃᑯᐊᓗ ᐊᑦᔨᐅᖏᑦᑐᒥᒃ ᖃᐅᔨᒪᐅᓯᖃᕐᓱᑎᒃ ᐃᓄᑐᐃᓐᓇᓂᒃ, ᖃᐅᔨᒪᔭᖃᑦᓯᐊᓱᑎᒃ ᓄᓇᓂᒃ ᓄᓇᖁᑎᒥᓂᓪᓗ, ᐊᒻᒪᓗ ᑐᑭᓯᒪᔭᖃᓪᓚᕆᑦᓱᑎᒃ (ᑕᒣᑎᒍᑦ ᐱᓇᓱᖃᑎᖃᕐᓂᑯᑦ ᓄᓇᓕᓐᓂᒃ,ᐆᑦᑐᕋᕐᓂᐅᓱᓂ ᖃᐅᔨᓴᕐᓂᑯᑦ ᐊᒻᒪᓗ ᓴᓇᒻᒪᓴᖏᑦᑕ ᓴᓇᔭᐅᓂᖏᑦ). ᑲᑐᑎᓗᒍ ᐃᓄᐃᓪᓗ, ᐱᓇᓱᑦᑐᑦ ᖃᐅᔨᒍᓐᓇᓯᓚᖓᔪᑦ ᓈᒻᒪᓈᕐᓱᑎᒃ ᐊᑐᕐᑕᐅᒍᓐᓇᑐᓂᒃ ‘’ᑐᑭᓯᕙᓪᓕᐊᒍᑕᐅᒍᓐᓇᓯᓗᑎᒃ’’ ᖃᐅᔨᔭᐅᒍᑎᒋᓯᒪᔭᒋᑦ ᑐᑭᑖᕈᓐᓇᐅᑎᓕᓐᓄᑦ ᐱᓇᓱᕝᕕᐅᔪᓄᓪᓗ, ᑐᑭᓯᓇᕈᑎᑕᓕᒻᒥᒃ ᓄᓇᖕᖑᐊᒥᒃ ᐊᑐᕐᖄᓂᕐᐸᐅᖃᑦᑕᑐᑦᓴᒫᓕᐊᖑᓯᒪᔪᓄᑦ ᐊᒻᒪᓗ ᐃᓚᐅᒍᑎᖃᕐᓱᑎᒃ ᐱᒍᓐᓇᕈᑎᒋᑦᓱᒍ.